S’imperadori de su Giaponi, Akihito, at a lassai su trinta de arbili de su 2019. Custa decisioni est stetia pigada a s’acabu de s’atobiu fatu, eriseru a mengianu, in su Consigliu de sa domu imperiali a su cali ant partecipau genti de sa familia reali, su capu de su guvernu Shinzo Abe, is giudicis de sa Corti Suprema e atrus politicus. Akihito, ca at a fairi otantacinc’annus su bintitres de Nadale, giai in su 2016 iat nau ca boliat lassai. Est s’imperadori de su 1989 e lassat sa carriga sua po su figliu Naruhito chi at a pigai su nomini de imperadori su primu de maiu de su 2019.
Est sa prima borta de su 1817 chi unu’imperadori lassat sa carriga in custa familia reali chi est sa prus antiga de su mundu. Su capu de su Guvernu fut meda emotzionau candu dd’at fatu sciri a totu sa natzioni, “Su guvernu at fairi dogna cosa po assegurai chi su populu giaponesu possat festai in is dis de su 29 de arbili e de su primu de maiu”, at nau Abe.
