“Eus a pigai totu is nominis de chi dd’at a votai”, funt is fueddus scritus in Twitter de Nikki Haley, s’ambasciadora de is Stadus Unidus a s’Onu, po sa risolutzioni chi cundennat sa decisioni de Trump de decrarai Gerusalemme capitali de s’Israele. Parit, ne prus ne mancu, un’amelessu cussu umperau de s’ambasciadora a chini at a votai in atra manera chi non siat cussa de is americanus.
“A s’Onu, scriit ancora Haley, no si pregontat de fairi de prus. Duncas, candu pigaus sa decisioni, comenti bolit su populu americanu, aunia ponni s’ambasciada nostra, non s’aspetaus de essiri pigaus de mira de cussus chi eus sempiri agiudau. Giobia s’at a votai po ponni in dubbiu sa decisioni nostra, is Stadus Unidus ant a sinnai is nominis”.
