In Austria s’at a podiri sighiri a fumai in is tzilleris e in is ristorantis, difatis su guvernu de destra chi at bintu is eletzionis de su mesi de Santu Aine apenas passau at decidiu de ndi bogai sa lei chi fut stetia aprovada in is mesis passaus de su Parlamentu de Vienna chi iat decidiu de proibiri su fumu in is aposentus publicus a partiri de maiu chi at a benni. Tocat a arregodai ca custu spetu fut in su programa eletorali de su Fvo, su partidu natzionalista chi est ghiau de Heinz-Christian Strache, chi est diventau su numurus dus de su cancellieri Sebastian Kurz.

A diferentzia de cuasi totus is Stadus europeus (tra custus s’Italia, chi de annus at proibiu is sigaretas cun sa lei Sirchia) in Austria s’at a podir sighiri a fumai, mancari is dotoris e totu sa sanidadi arregodint a totus is dannus mannus chi podit fairi su fumu ativu e passivu.