Un’algerinu chi si naraiat Imam e chi fueddaiat sempiri de incumentzai sa jihad est stetiu frimau de is ominis de su Nucleo investigativo de sa Politzia Penitentziaria de su presoni de Nugoro. Cust’indagu est stetiu coordinau de su Pm Danilu Tronci de sa procura distretuali de Casteddu.
S’omini tenit cincuantases annus e si lamat Belgacem Drabilia. Propriu eriseru a mengianu depiat bessiri de su presoni de Badu ‘e Carros ma invecias de ndi bessiri is secundinus dd’ant frimau a sa fini de s’indagu. De cust’indagu nd’est beniu a foras chi su Imam, chi finas a dexi dîs prima fut presoneri in Tatari, cicada de insugliai a sa jihad, bantendu sa guerra santa e cichendu de indotrinai is atrus presoneris po ddus fairi diventai terroristas una borta bessius de presoni.
