C’at bofiu cuasi un’annu de trabaglius ma oi, su 19 de mesi de Idas, Casteddu e is casteddaius ant a tenni un’atra borta Prassa Garibaldi oberta e chna peruna tancadura. Unu biculu de sa citadi torrada a is citadidus e costada a is cascias de su Cumunu unu milioni e duxentus mila eurus. Sa prassa, aunia s’incrarat sa scola Riva, fut giai oberta po un’orrogu ma de oi at essi oberta totu finas sa parti birdi. S’area chi est a dispostitzioni de totus, cun custus trabaglius, est passada de4850 a6700 metrus cuadrus, non podint passai prus is machinas e is arreiginis imoi, cun su staulu in linna, podint tenni su spatziu chi ddis serbit. Finas is lugis e su logu de si setziri est mudau e ddu est unu parcu de giogus po pipius. Is trabaglius funt adduraus unu pagu de prus poita s’est depiu studiai prus de cussu chi si creiat su sutaterra e is arreiginis de is matas.
