Is centutrinta operaius chi trabaglianta in sa Legler, abarraus chena perunu agiudu de sa mobilidadi po mori de problemas aministrativus, ant a podiri tenni agiudu de 2,350 milionis de eurus chi sa Regioni at istantziau in su “pacchetto lavoro” de centu milionis chi est anintru de sa Finantziaria chi at essi esaminada de su Cunsigliu regionali. Prus dificili meda sa situatzioni de is trabagliadoris de Ottana Polimeri, cincuantotu de custus giai licentziaus, e de Ottana Energia, cun setanta operaius chi podint perdiri su trabagliu aintru de su mesi de arbili. Totu custu ddu ant decidiu is capus de is partidus de su Consigliu atobiendusì cun su guvernadori Franciscu Pigliaru, s’assessori a su Trabagliu Virginia Mura e de s’Industria Maria Gratzia Piras e tres delegatzionis de operaius.
