Su gip de su tribunali de Tatari at convalidau su frimu po Mirco Migliori su piciocu de Valledoria che s’atra dî cun su furgoncinu at bociu pobiddu e pobidda, Sarbadori Satta e Giuanna Antonia Satta, in sa firmada de su postali. ant essi fatus totu is controllus in sa machina e in su telefoneddu puru. Migliori, chi est acusau de dopia bocidura stradali, indenanti de su gip no at arrespustu a is preguntas ma at nau cosas de conca sua, nendu de non s’arregodai nudda e de s’arregodai feti ca fut andendu a Tatari po fairi comporas de Trony. Non s’arregotat nudda finas a candu no est steti agiudau a ndi bessiri de sa machina. A innanti de s’udientzia su tribunali iat cumandau sa peritzia necroscopica po is mortus, una relata in pissu de s’incidenti e in sa machina de Migliori. At a tocai a spetai finas a metadi friargiu po nci cumprendiri calencuna cosa de comenti totu est andau.
