Carulu Tavecchio si nd’andat e no est prus su presidenti de sa Figc. Pusti una cida de sa partida cun s’Isvetzia, chi c’at bogau sa natzionali de palloni de is Mondialis de Russia in làmpadas de s’annu chi benit, s’est dimitiu de s’incarrigu. Agradessia a totus custa decisioni ca non fut prus cosa de biri. In carriga est addurau po tres annus ma giai de s’incumentzu at fatu furriai is ogus a medas, de arregodai is cosas legias chi iat nau po is nieddus chi prima de benniri in Italia papant ancora bananas e po is feminas chi giogant a palloni.

At essi arregodau finas po airi torrau a portai cuatru scuadras italianas in Champion’s League e prus che a totu po airi incumentzau a umperai sa moviola in campu po ponni un’acabbu a totu is polemicas.

Cun s’andada de Tavecchio s’oberit una pagina noa po su palloni in Italia, s’isperantzia manna est chi imoi no intrint margianis e si possat torrai a chistionai feti de su giogu e non de totu is interessus chi si ddue acostiant