Ses annus funt passaus de candu si nd’est andau po sempiri Màriu Martiradonna, su giogadori de su Casteddu chi at bintu su campionau in su 1970. Giogaiat in difesa, cun su numuru dus, custu piciocu pugliesu chi fut nasciu a Bari in su 1938. Comenti medas de cussus giogadoris Martiradonna iat scioberau de biviri in Casteddu e s’intendiat sardu. Fut erribau in Sardigna in su 1962 pusti airi giogau cun sa Reggiana in Serie B. De cuss’annu at giogau sempiri cun su Casteddu e est stetiu unu dei is cuatru, cun Greatti, Riva e Cera, chi ant festau sa promotzioni in serie A e su scudettu. In serie A at giogau po 239 bortas e ce dda fata a fairi finas cuatru gol. Lastima manna, de sa carriera sua, a no airi mai giogau cun sa Natzionali italiana, fut serrau de Tarcisio Burghich ma seus segurus ca chi fut biviu in custus tempus sa magligedda asula dd’at airi bestia chena farta. Martiradonna est su segundu de cussus giogadoris chi ant arregalau una cuntentesa manna deaveras a totu is sardus, a morriri, pusti Zignoli e prima de Nenè.