Cinc’annus, custu est cantu pediu de su pubricu ministeru Marcu Cocco po Francisca Barracciu, consigliera becia regionali e de su paralmentu europeru de su Partidu Democraticu, in su dibatimentu po su dinari de is grupus chi est acabendu in su tribunali de Casteddu. Sa Barracciu est lamada a arrespundiri de totu is ispesas po otantunumila eurus: setantotumila de su2004 asu 2014, atrus tremila e seixentus pigaus cun d’unu assegnu de sa sociedadi “Evolvere” aunia s’imputada iat tentu calencuna carriga finas a su 2014.
Sa sindiga becia de Sorgono fut stetia cumbidada a cumpariri indenanti de s’autoridadi giai in su 2013 po fairi lugi in pissu de trintatres mila eurus de dinari donaus a is grupus. Issa si fut difendia nendu ca cussu dinari dd’iat umperau po comporai carburanti po andai in totu sa Sardigna a fairi s’atividadi politica de su partidu. Sa giustissia no dd’at cretia poita paricias bortas s’agatada in atrus logus de cussus chi iat nau a su PM.
