Prus fogus ma prus pagu terrenu abrugiau, est custu su bilanciu de sa campagna antincindiu de su 2017, chi cust’annu est durada de su primu de làmpadas a su seti de Sant’Andria, prus longa cunfrontas a is annus passaus po mori de su calori meda e de sa sicidadi.
Seus passaus de 2672 fogus de su2016 ais 3746 fogus de cust’annu, su coranta po centu in prus. Calat, perou, de s’undixi po centu, su numuru de is etarus abrugiaus:15099 insu 2016 e13445 insu 2017.
Is fogus prus mannus de cust’istadi funt istaus cussus de Gonnosfanadiga e Arbus su 31 de triulas chi at fatu trabagliai is operaius po cuatrus dîs e cussu de Alà dei Sardi e Biddamanna.
Totu custus numurus ddus ant presentaus su presidenti de sa Regioni Franciscu Pigliaru, s’assesori de s’Ambienti Donatella Spano, su capu de sa Protetzioni Civili Gratzianu Nudda, su cumandanti de su Corpus Forestali regionali Bainzu Diana e de is diretoris de Forestas Antoni Casula e de s’Arpas Alisandru Sanna.
