At a bessiri oi e totu un’atru editoriali de Don Franciscu Mariani chi in su giornali de sa diocesi, l’Ortobene, si dd’at pigada, umperendu fueddus fortis, cun is pedidoris de dinari, prus che a totu strangius, chi si ponint indenanti de is cresias, de is bar e de is butegas de Nugoro. Su predi orunesu, chi at fatu chistionai meda de sei po cussu chi at scritu s’atra dî in su giornali, at fueddau cun s’Ansa nendu custu: “Soi cuntentu meda chi si incumentzit a chistionai, in sa citadi nosta, de is pedidoris chi siant strangius o sardus puru. Custu fut cussu chi narat s’articulu miu. Erriciri bolit nai ca tocat fairi arrespetai is leis de chini ti erricit. Totus ddu depint fairi siant biancus o nieddus, sardus o strangius. Pediri est sa partida perdia de is politicas nostas de erricimentu, non pigu parti a custa guerra de ratzistas e “buonistas”, cicu de cumprendiri sa realtadi de oi e arregodu a totus ca prima de essiri predi soi laureau in sociologia”.