XI editzione
cumbidu a partetzipare a
annnnuu 22001144
Bandu de Cuncursu e Regulas
s’Amministratzione Comunale de Benetutti comente Organizadore, azuada dae sa Provìntzia de Tathari, dae sa Pro
Loco de Benetutti e dae su Lions Club “Goceano”, chin s’idea de onorare sa limba sarda,
DAN SU BANDU
pro su 2014, de sa gara ‘e poesia a taulinu OTAVAS CURRENDE.
Nadu chi su cuncursu naschit dae s’idea de tramunare a taulinu una gara de palcu, si devet sighire custu
REGULAMENTU:
– Su cuncursu est abbertu a sas poesias inéditas mai premiadas e imprentadas àteras bortas, iscritas in limba sarda;
– sas òperas iscritas craras, deven esser imbiadas in 6 copias frimmadas cun-d-unu paralùmene e serradas in-d-una
busta manna chi apat in fora su matessi nòmene. Intro sa busta manna devet esser posta una busta minore chin sos
indicos de inue istan sos duos poetas e su nùmeru de telèfono. Chie podet ispedat sas poesias puru in-d-unu
“dischigheddu de computer” postu in sa matessi busta;
– sos iscritos deven arrivare a sa segreteria de su cuncursu intro su 18 de Santu Aìne, pro lìtera indiritzada:
Salvatore Murineddu segretàriu de su cuncursu Otavas Currende, Via Cavour, 2 – 07010 Benetutti (SS)
– su tema de cust’annu est: SU ‘ONU – SU MALU;
– si poden iscrìere otavas ebbìa (non pius de deghe peròmine);
– si cuncurret in duos, aferrende onzunu una parte de su tema;
– onzi poeta si devet chircare unu “cumpanzu de gara”, sos duos si imbian una o prus otavas e ispetan sa risposta de
su cumpanzu pro nde dare un’àtera, e gai sighende;
ONZI POETA DEVET FAGHER SA PARTE SUA,
si sa giuria s’abizat chi sas poesias sun iscritas dae sa matessi manu, sa croba de poetas benit eliminada
– Sas poesias imbiadas non torran insegus, restan propriedade de su comitadu chi las impidat a sa menzus manera
culturale, sentza dever nudda a sos autores chi nde restan meres.
– Sas òperas an a benner zudicadas dae una giuria ghiada da-e su professore Antoni Canalis.
Su zudìssiu issoro non si podet mudare.
– Su prémiu andat a sa croba e no a su singulu poeta;
– ‘at a assignare 1°-2°-3° prémiu cun 5 mentziones;
– Sos prémios sun operas de arte fatas a posta chin su sìmbulu de su prémiu (“intritzu de versos”) e cosas chi si
produin in Benetutti.
Pro partetzipare a su cuncursu, si devet atzetare custu regulamentu.
Siat sos binchidores e siat sos chi partìtzipan a sa gara an a essere cumbidados pro tempus a sa premiassione a sa
festa chi si faghet sa die 6 de Nadale de su 2014.
Bos ispetamus, poetas, pro bos torrare in ospitalidade e donos s’onore de sa ‘ostra preséntzia. Saludos corales a totu.
