in su bar su caffè ogni manzanu,
e gai calchi amigu fitianu
incontro inie pro arrejonare.
Deo senza caffè no isco istare,
massimu como chi so antzianu;
a tic’a ticu, pianu pianu,
pius a longu chirco ’e lu gustare.
Solu chi dogni tantu l’aumentan
-sempre cun calch’iscuja pagu giara-
e tando sos clientes si lamentan.
Siat cun Moka, cun Illy o Lavatza,
custa bevanda est sempre pius cara
e sempre pius bòida est sa tatza.