pitigalimba defCaru Bobore, amigu istimadu,

pro sa segunda ’olta ses dutore,

poi chi cun su gradu de mazore

de sa Finantza ti ses cungedadu.

 

 

Essende de sa Musa innamoradu

ses fina bonu un’improvisadore

e dadu chi ses puru agricoltore

laurende ti ses laureadu.

 

 

Ma sena trascurare sos impignos,

non podiat mancare a dogni costu

un’amore cun basos e carignos.

 

 

Tra sos diplomas chi as cunsighidu

ispero prestu chi sias dispostu

a leare sa laurea ’e maridu.