pitigalimba defSegundu Bossi si narat Padània,

segundu Sgarbi, invece, est Padanìa.

Però, coment’esistit sa Campània,

esistit sa regione Lombardìa.

 

 

S’istadu ’e sos tedescos est Germània,

s’istadu de sos turcos est Turchìa.

S’acentu in sa tertzùltima at Catània,

peràula piana est Bagherìa.

 

 

Ma sa terra de Bossi est una sola,

e pro ischire chie at sa rejone

mezus chi torren ambos a iscola.

 

 

Ma forsi su cunflitu est pius bellu

-siat repùbblica o restet regione-

si a morte s’isfidan a duellu.

 

 

In modu chi nde campet un’ebbìa,

o pro Padània o pro Padanìa.

Ma pro s’Itàlia e pro sos fizos suos,

est mezus chi s’iscannen ambos duos.