pitigalimba defComo so arrivadu a norant’annos,

pro grascia ’e sa Divina Providéntzia.

Mancada de s’isposa s’esisténtzia,

pius che gioia apo tentu afannos.

 

 

Pro me sos acunortos pius mannos

sun sos de Caderina in s’assisténtzia,

chi cun Pàulu e Ila an sa cusséntzia

de ànghelos custodes, sena ingannos.

 

 

Deo lis auguro dae coro

vida longa cun grascias frecuentes

chi dae Deus pro issos imploro.

 

 

Fizos, nebodes, bènneros e nura,

sian oe presentes o assentes,

sunu sos chi de me an semper cura.

 

 

Ma sena tenner s’issoro cunfortu,

e de pagos amigos ecellentes,

chissà da cando fia istadu mortu.