D’Annunzio, Scarfoglio e Pascarella,
cando sighende sa brillante istella
una die in Sardigna an isbarcadu.
Sa ’olta in su buffare an abbundadu,
dende liber’isfogu a sa favella,
poi in piatta, in cussa notte bella,
D’Annunzio at fintzas trambucadu.
S’osterarzu ch’at tentu cuss’onore
fit Giossanto Mereu, pro s’istoria
su jaiu maternu ’e Vanna Flore.
Ma Uliana fetat a manera
de ponner una lapide in memoria
de sa dannuntziana imbriaghera.