Vinti fèminas belgas e frantzesas

nachi su Paba in  Roma an cuntestadu

ca sa cunfirma de su celibadu

de sos peidros las at tropu ofesas.

 

Tantas fèminas viven, vilipesas,

cun satzerdotes in concubinadu

ma sa Cheja sempre at cundennadu

cussas insoro umanas debilesas.

 

B’at peidros e calchi munsegnore

chi cun sa concubina an tentu fizos

e cunviven umpare cun amore.

 

Tando nerzan però sa veridade

ch’an issos puru carnales disizos

suta sa tùniga ’e sa castidade

 

ca est una solenne ipocrisia

sa castidade solu in teoria.