“Una sensatzioni tropu bella e tropu manna po ndi fueddai”, custus funti is fueddus de su cuadderi nurresu pustis airi bintu. In custas dîs fueddant de issu totu is giornalis ingresus, su Huggington Post, su Guardian, su Telegraph, su Sun e su Daily Mail. Andrea, bintitres annus de Nurri at bintu sa cursa po cuaddus prus antiga de su mundu, cussa de St. Leger de Doncaster chi si fait chena peruna interrutzioni de su 1776. Custa cursa est finas una de is prus sighias de sa genti ingresa, meda apassionada de cuaddus e de cursas. Andrea at setziu in pissu de Kingstom Hill e cun custu cuaddu at ispantau a totus po bravura e trassa. Po su curridori cun custa de su St. Leger imoi funti centu is vitorias de cust’annu in su Regnu Unidu. Unu grandu campioni, orgogliu mannu po totu is sardus.