De casu o de arrescotu, sas pàrdulas sun unu de sos durches tradissionales famosos. Ingredients genuinos, sos chi sa terra nostra arregalat, e sapiéntzia antiga sun sos ùnicos segretos de custas prendas. Su cambiare de sas istajones, sas festas cristianas o paganas chi sien, in Sardigna sun marcadas dae sos màndigos chi si tramandan in sas generatziones, donzi ricurréntzia tenet su suos: pro sos Santos sos pabassinos e su pane de saba, a Carrasegare sas tzìpulas, a Sant’Antoni su pane beneitu e a Pasca sas pàrdulas. Traditzionalmente fatas cun casu friscu, meda zente las faghet puru de arrescotu, tzerriadas pàrdulas o casadinas o in italianu formaggelle, sun una de sas cosas prus bonas chi tenimus in Sardigna. Puru si donzi famìlia tenet sa propria retzeta sos ingredientes sun uguales po totus: casu friscu, farra, arantzu, oos, tzùcuru. Si componen de un’isfoglia de farra de pasta violada prena de sos ingredientes chi amus nadu. Passamus como a descrier su modu de kas fàghere e sas doses:
Po s’isfoglia:
Unu chilu de farra 00
200 gramos de ozu de porcu
Unu pìculu ‘e sale
Abba tébia cantu bastat
Po su prenu:
Unu chilu de casu friscu tratacasadu
Ses oos
Duos arantzos trattacasados
200 gramos de tzùcuru
Unu pìculu de tzafaranu
S’impastat sa farra cun abba, ozu e sale, si triballat bene e si lassat in friscu a reposare a su mancu mes’ora. Si preparat su prenu cun su casu tratacasadu, sos oos, su tzùcuru sa corza de s’aranzu e su tzafaranu (si serbit si azunghet una cullera de farra). Cun sa pasta si faghen sas isfoglias fines e si segan a formas circulares cun-d-una tassa. A su centru de ogna dischigheddu si ponet una cullera de prenu e si serran sas pàrdulas cun sos póddighes. Si ponen in su forru caente a 180° e si lassan fintzas a cando non las bidimus doradas, su tempu est pius o mancu vinti minutos.
