Diventa autore, collabora con noi
Subra su palcu

S’esórdiu de sa gara de su 1981 in Ballao Sozu e Màsala cantan pro Santa Vida

Cando cantaian manu-manu Peppe Sozu cun Màriu Màsala sa bona resessida de sa cantada fut garantida in parténtzia: sa gara non podiat andare mai male. Su talentu nidu de ambos poetas daiat de per isse sa seguresa de una calidade primarza. Sa proa la podimus bìdere ja in custu esórdiu de Ballao pro sa Santa Vida de su 6 de Santu ’Aine de 34 annos como, dae sa bellesa dìliga e naturale de sas 28 otavas chi lu cumponen, inue sos versos lughen che oro. Cando an dadu vida a sa disfida chi bos semus presentende tiu Peppe Sozu teniat 67 annos e Marieddu Màsala 46.

 

 

1. Sozu (1’13”)

Un’annu como amos fatu un’isfida

e non ch’at moltu torero e ne trau

ma si una conca bi aerat ferida

non fin mancu sas concas de Von Brau.

Ma ringràtzio intantu a Santa Vida

ch’at permitidu ’e torrare a Ballau

e bos nde ’ato in custa ocasione

unu saludu a fine de istajone.

 

2. Màsala (1’02”)

Cantadu ocannu in Ballau una sera

ch’apo po Madalena sa pentida

e apo resu sa mia dispedida

a finale ’e su mese ’e triulera.

Como chi ’enzo in piena ’innennera

pro la cummemorare a santa Vida

e bos nde ’ato in tempus de ua

saludos pro sa bella festa sua.

 

3. Sozu (1’12”)

Po Santa Vida o Santa Madalena

sempr’inoghe las tenen a grandesa

ca a sàmbene e làgrima ogni rena

l’an infusta e sa vida l’an ispesa.

Intantu sa piata ’ido piena,

po custa gara est tanta s’atesa:

ca s’est tropu ingrandidu su fiotu

cherio foltza a cuntentare a totu.

 

4. Màsala (1’00”)

De custu palcu si semus in chima

est ora bella de paghe giocunda

e-i sa zente in terra atenta e frima

faghet po nois sa calma profunda.

Ocannu ses mancadu pro sa prima,

non podias mancare a sa sigunda:

as fatu su possìbbile a chi ’ènnere

e issos an fatu ’e totu pro ti tènnere.

 

5. Sozu (1’04”)

Nessi in s’atunzu apo nadu chi ei

de bona volontade dende segnu.

Deo ap’a ponner dogni meu ingegnu,

tue totu su tou ponebbei

ja chi ’e tota sa zona ’e su Gerrei

parit inoghe como unu cunvegnu

boghende a campu dogni forma noa

si resessimos a fama e a proa.

 

6. Màsala (51”)

Pius de su chi tenes it’isperas?

Sas rimas sun metricadas e giustas.

Tzeltu semus a sas ùltimas seras,

una ’e sas primas garas non sun custas

e-i sas terras de abba infustas

e comintzende a infriscare aeras.

Però de bella poesia salda

sa vena nostra paret sempre calda.

 

7. Sozu (59”)

Est a lassare totu sas fiacas

ja chi ch’at unu pópulu imponente.

Devimos allegrare s’ambiente

isbagantende totu sas bujacas

ca no importat nudda a custa zente

si custas mentes nostras sun istracas.

Riunidos si sun in comunella

e pretenden a fagher gara bella.

8. Màsala (51”)

Ma si non mancat su donu ’e natura

sa mente de criare agguantat

e una bella festa, Sotgiu, ispantat

dedicada a un’ànima in s’altura.

E si est festa non regnat tristura

ca si sonat, si ballat e si cantat:

chi non bi siat su bisonzu creo

de ch’’enner pro los allegrare deo.

 

9. Sozu (1’06”)

Custos istiman sa sarda Elicona

cun-d-una proa rara, illustre e digna.

S’aére laru o chercu in consigna

ja lis dia intreciare una corona

ca s’ospitalidade ’e custa zona

faghet onore a tota sa Saldigna.

Pecadu chi nd’abbitan tropu atesu

a dogni gara pro nos àere intesu.

 

10. Màsala (51”)

Cun dogni versu bellu che aneddu

no isco si sa zente, Sotgiu, ispasso.

Però, ammentatinde, inube passo

chi non so mai ’e umore nieddu,

de sa cosa chi tenzo bi nde lasso

in totu sas piatas acanteddu.

E-i s’àtera cheret costoida

ca mi faghet bisonzu tota vida.

 

11. Sozu (58”)

Ma non lu deves astrìnghere in punzu:

su donu ch’as regàlalu cun briu

ca si la pensas gai tando adiu:

l’isfaghes e faghes tue su diunzu.

Si los as cuntentados in s’istiu

apagare los deves in s’atunzu:

Màriu, non ti nd’’enzat a bidea

chi ’essat custa gara pius fea.

 

12. Màsala (47”)

Si che torro a Ballau mi nde onoro

ma no aspiro a ghirlandas de laru

ca ogni versu non mi ’essit raru

e no est, Sotgiu, unu capolavoro.

Non ti naro chi sia ’e bonu coro

però no ap’a esser mancu avaru:

sa cosa dada cheret a medida

proite cheret bene dividida.

 

13. Sozu (58”)

Non mi ponet sa frase in malumore

ma sa mente mi ponet in cumbata.

Canta, Màsala, e fàgheti onore

po apagare sa zente in piata:

ammenta chi sos grados de maggiore

non ti los passan in sa saufata.

Cheret sa volontade chi acumpanzes

e-i sos grados chi ti los balanzes.

 

14. Màsala (45”)

Deo puro ja so in cussa trama,

cheria dare sodisfatzione.

Ringratziende sa natura mama

m’at tocadu una bella pultzione:

at esser una mia illusione

e m’apo fatu fina onore e fama

chi trancuillu mi poto drommire

da su presente fina a s’avenire.

 

15. Sozu (52”)

Sa fama podet esser indiscussa,

non so inoghe a ti narrer chi no.

Però sa via lìbbera ti do:

bintra in foresta e sega linna russa.

Mancari chi mi dias una sussa

chi mi ch’as a mandare a capaò:

custu dêt esser unu isperimentu

e si molzo istanote so cuntentu.

 

16. Màsala (45”)

Non penses da inoghe chi mi fua

ca non mi faghet nudda impressione.

S’àtera l’amos fata cun Budrone:

cussa fit gai, ne cota e ne crua:

custa la fato a sa manca tua

ja chi nachi ses tue su leone.

E cheria sa zente divertire:

si chi ’enzo non ch’’enzo a ti ’ochire.

 

17. Sozu (58”)

Da chi semus gioghende una partida

pónemi mente e sos passos los moe

prite la cherzo atzetare un’isfida

ja chi forte e maduru contas oe

e da chi deo nde peldo sa vida

tue ja podes diventare eroe.

Ti che setzis in altu in sa cadrea

e faghes morte tua vita mea.

 

18. Màsala (46”)

Si torro, torro a mi fagher intèndere

isperende in su tantu netzessàriu

ca si promissu m’an un’onoràriu

non che lu deven debbadas ispèndere.

Ma non che torro a tie pro difèndere

e mancu pro ti dare su contràriu

ca cust’onore si nos an permissu

ognunu devet pensare po issu.

 

19. Sozu (53”)

Ti lu torro a repìtere dae nou,

sa limba devet esser che un’ispada:

in-d-una gherra perìgulu b’ada,

ti nde falat su samben che su brou

ma da chi ’ochis s’inimigu tou

tenes sa vida tua assegurada.

Soltantu gai passas a s’istória

si no ti moris sentza tenner glória.

 

20. Màsala (46”)

Semus poetas, non semus soldados:

in su palcu bi cheret paghe santa.

Pónemi mente, che a sempre canta

cun versos bellos puru e metricados:

sessantachimbe los as superados,

ti ses avicinende a sos setanta

e-i como in sas gherras pagu rendes,

pónemi mente e sa pipa ti atzendes.

 

21. Sozu (57”)

Su chi mi cheres narrer m’ispiega

ca abbereru non l’apo cumpresa

ca mi parit difìtzile un’impresa,

non ti che cheres betare a sa tzega.

Si times in su palcu su collega

tando sa pipa abberu istat atzesa

prite non tenzo atacos dae manca

e fumo in sa cadrea anca subr’anca.

 

22. Màsala (45”)

A su dovere si non benzo mancu,

o Sotgiu, non mi fato presumidu.

Mi deves nàrrere inube mi as bidu

débbile ’e ancas e cari-biancu:

como ti so trint’annos a fiancu

e fina a oe non t’apo timidu.

Però tue sa gherra l’as pretesa,

custos sìntomos sun de sa ’etzesa.

 

23. Sozu (51”)

Beru chi ’etzu a tie palzo, Màriu,

e no est isbagliada impressione.

Ma si currimos in-d-un’istradone

chi pedales abberu est netzessàriu

prite si faghes sempre su gregàriu

no as a diventare campione.

Ja ch’as fatu trint’annos de iscola

aferra su coraggiu e ti che cola.

 

24. Màsala (46”)

De tzeltas frases tuas mi nd’ispanto:

lassa sa gherra ca cheret timida.

Si tenzo resisténtzia agguanto

canto sempre cun paghe preferida

però, collega, a tie prego vida

ca cantu campas tue in palcu canto

e non ti chelzo ’ochire in custa data

tantu ja bastat ch’an mortu a Sadata.

 

25. Sozu (58”)

Si a Sadata ana moltu in Egitu

dêt esser assassinu e bestiale

ma su nostru poéticu conflitu

a sa salude non nos faghet male.

Ma chie cantat bistat sempre apitu

chi cantende diventet immortale

e acuistat da sa zente istima,

s’iscaladore che pigat in chima.

 

26. Màsala (45”)

A su fiancu tou si mi agato:

Sotgiu, poto contare fortunadu.

Sempre ti apo rispetadu e amadu

però cand’improviso non cumbato

ca in su palcu su pagu chi fato

deo lu fato sempre disalmadu.

Non bi cheret ispada e ne bolteddu:

mi’ ch’a cantare bi cheret chelveddu.

 

27. Sozu (53”)

Mancu leadu nos amos s’apentu

e non fit una lota richiesta:

solu bombardas a manca e a dresta

s’at isparadu pro divertimentu.

Ma penso chi sos membros de sa festa

dên aer preparadu s’argumentu

e cun custa s’esórdiu si serrat

ca in su tema sou ognunu gherrat.

 

28. Màsala (45”)

S’esórdiu lassamos a un’ala

de fronte a totu cantos sos festantes.

Mi capìtat cun tzeltos arrogantes

de passare in su palcu note mala

proite cando pigan in s’iscala

sunu ribbelles e sun ignorantes.

Ma cando so a su fiancu tou

so sempre allegru che isposu nou.

Pàulu Pillonca

Làcanas 71

Pubblicato in Subra su palcu

I commenti sono chiusi.

a:46:{s:10:"id_product";s:4:"1192";s:11:"id_supplier";s:1:"0";s:15:"id_manufacturer";s:2:"66";s:19:"id_category_default";s:2:"36";s:15:"id_shop_default";s:1:"1";s:18:"id_tax_rules_group";s:1:"5";s:7:"on_sale";s:1:"0";s:11:"online_only";s:1:"0";s:5:"ean13";s:1:"0";s:3:"upc";s:0:"";s:6:"ecotax";s:8:"0.000000";s:8:"quantity";s:1:"0";s:16:"minimal_quantity";s:1:"1";s:5:"price";s:8:"3.846000";s:15:"wholesale_price";s:8:"0.000000";s:5:"unity";s:0:"";s:16:"unit_price_ratio";s:8:"0.000000";s:24:"additional_shipping_cost";s:4:"0.00";s:9:"reference";s:2:"34";s:18:"supplier_reference";s:0:"";s:8:"location";s:0:"";s:5:"width";s:8:"0.000000";s:6:"height";s:8:"0.000000";s:5:"depth";s:8:"0.000000";s:6:"weight";s:8:"0.200000";s:12:"out_of_stock";s:1:"2";s:17:"quantity_discount";s:1:"0";s:12:"customizable";s:1:"0";s:16:"uploadable_files";s:1:"0";s:11:"text_fields";s:1:"0";s:6:"active";s:1:"1";s:13:"redirect_type";s:3:"404";s:21:"id_product_redirected";s:1:"0";s:19:"available_for_order";s:1:"1";s:14:"available_date";s:10:"0000-00-00";s:9:"condition";s:11:"refurbished";s:10:"show_price";s:1:"1";s:7:"indexed";s:1:"1";s:10:"visibility";s:4:"both";s:13:"cache_is_pack";s:1:"0";s:21:"cache_has_attachments";s:1:"0";s:10:"is_virtual";s:1:"0";s:23:"cache_default_attribute";s:3:"491";s:8:"date_add";s:19:"2013-11-13 10:31:20";s:8:"date_upd";s:19:"2013-12-13 17:13:26";s:25:"advanced_stock_management";s:1:"0";}
s:84:"SELECT meta_title FROM `ps_manufacturer_lang` where id_manufacturer=66 and id_lang=1";

DomusDeJanas

Lacanas (Anno 2008 n. 30)

AA.VV.

Cronaca

A Ostia bincint is grillinus

Pagu genti est andada a votai po is eletzionis de Ostia pustis totu is abetias de is cidas ... leggi tutto

Archeologia

“L’Età del Rosso”: tre giornate di studio

Impegno, passione ed emozione hanno caratterizzato anche l’edizione ... leggi tutto

Mùsica

Andria Nonne: “Devia fàghere custu dovere”

Andria Nonne, fonnesu de 36 annus, prima de su cantu a tenore at connotu ... leggi tutto

Ervas

Il luppolo: non solo birra

Nome sardo: Lúpulu. Il luppolo è conosciuto soprattutto per il suo impiego aromatizzante ... leggi tutto

In bidda

Bonarcado

“Bonarcadu, imponente costruidu ti ana in mesu ’e costa a bella vista” (Frantziscu ... leggi tutto

No Profit

Macomer: i tre decenni della cooperativa sociale Progetto H

Trent’anni anni fa a Macomer un gruppo di amici decideva ... leggi tutto

Ventanas

Màriu Brugnera

Unu de is giogadoris prus bravus chi at tentu su Casteddu dde candu s’agatat est Màriu Brugnera. ... leggi tutto

Subra su palcu

Manu e limba: cantan in Carbónia Mura e Màsala

1. Mura (1’16”) Su comitadu sa nóbbile ‘idea at tentu in ... leggi tutto

Cinema

Fiorenzo Serra

Fiorenzo Serra è stato e rimane  tutt'oggi il più grande regista etnografico della Sardegna. Il suo ... leggi tutto

Tradizioni

Guglielmu Piras at bìnchidu su Premiu ‘Pilia’

Guglielmu Piras, su poeta de Sìnnia connóschidu pro sa bellesa de ... leggi tutto

Multimedia

In giru peri su mundu cun Nanni Margiani

Aparitzu cumpridu cun sa Leze Regionale n. 26/1997 subra sa limba e sa cultura ... leggi tutto

Tempus

Focus

Colonialismu internu: sa trampa a sos Sardos

S’istòricu Wolfgang Reinhard definit su colonialismu comente unu poderiu ... leggi tutto

Letteratura

Guglielmu Piras at bìnchidu su Premiu ‘Pilia’

Guglielmu Piras, su poeta de Sìnnia connóschidu pro sa bellesa de ... leggi tutto

Multimedia

Sos contos de Ninu Sorigheddu

Aparitzu cumpridu cun sa Leze Regionale n. 26/1997 subra sa limba e sa cultura ... leggi tutto